步行日/會 icon 步行日/會

茶果嶺村,貓星人的樂土。

由觀塘鬧市行住寧靜的茶果嶺村只需三十分鐘路程,

讓貓星人治愈你比工作壓垮的心靈吧。

日期:2018年7月28日 (星期六)

時間:下午1500- 17:00

集合地點:藍田站客務中心

 

中學有五年時間在三家村度過,

成年後長期此處避世,拍拍拍。

‘芝心’三家村達人,帶你遠離城市,吹水交流漁村歷史、攝影好去處、邊檔d手信買得過等等。

日期:2018年7月21日 (星期六)

時間:下午1600- 19:00

集合地點:油塘站客務中心

深水埗,香港貧窮率最高的地方。

長年在這裡街拍,

窮但有生命力,這是我對這個地方的睇法,

希望籍著這此步行,帶大家遊歷下這個舊區,

分享一下我的見聞。

日期:2018年7月29日 (星期日)

時間:下午1700- 19:00

集合地點:深水埗客務中心

生存,必備兩種要素,水與空氣。

流水響水塘素有香港小桂林的美譽,

今年雨量偏低,

水塘首次乾涸3個月,

籍著今次的步行,用腿去感受這個乾涸危機。

今個五月炎熱暴曬,

傳閒話元朗的大生圍,曬到變左火星表面,

堅定漏?

直接行入去望望。

隊長日記 icon 隊長日記
diary_img
閱讀更多

西貢、橋咀島半天遊

原本係去深水埗…但D隊友都唔想去…

最後改左地點去西貢橋咀島,

ER…步行有時帶有隋機性…

個地方靚唔靚,可以睇相…

估唔到一個小島可以靚到咁…

空氣比市區清新好多…

不過,見到附近好多工程做緊,

黎緊呢個地方睇黎會作為旅行景點推廣…

係香港,人就最鐘意一鍋蜂,然後個地方好快就玩完,

真係令人擔心。

diary_img
閱讀更多

你精主子都唔笨,尋貓作戰大失敗

首先,有小小計算失誤,三十幾度,由觀塘行去茶果嶺都真係幾甘下,熱到有小小頂唔順。

原本去茶果嶺尋貓的計劃都大失敗,

主子們怕熱,全部匿在暗角,偏尋不獲,

熱到hihi,最後縮在榮華冰室嘆可樂。

講開又講,呢間榮華冰室,保有舊式冰室既外觀,非常懷舊,

年中唔少新人,會特登著旗袍黎呢度影婚紗相,

好野黎架。

diary_img
閱讀更多

人算不如天算

出發之原本藍天白雲,

一去到整個天全灰了,心情也很灰。

三家村近年最大的改變,就是多了相片中的防波提,

每個颱風來襲,附近的民居都有海水倒灌,

呢個防波提其實已經起左好多年,終於今年成事。

對於我地d影相怪黎講,景觀會變差了,所以影相果然要要趁早。

另外,近期海邊多左好多簡體字的垃圾,由邊到漂黎?你懂的。

diary_img
閱讀更多

密集恐懼火星坑

是咁的,我都係第一去大生圍,

火星坑係特別,附近優美既大自然環境,我覺得更吸引。

呢個火星坑,並唔係因為今年既暴曬而形成,

每年附近的魚塘,都會抽乾水進行曬塘,用陽光照射泥土殺菌,

將來養既魚就會小d患病。

香港竟然仲有人養魚?

仲神奇過d火星坑。

diary_img
閱讀更多

曬到飢肉溶解,變成泥鴨

曾經有天空之鏡既流水響真係乾曬,

呢個奇景都相當可怕,

水塘中間濕泥,就好似浮沙一樣,

朋友踩了一下,立即中伏,變了一隻泥鴨。

有一講法,水塘的乾塘並不是因為天氣炎熱,

而是因為附近龍山隧道工程,導致水土流失。