隊長日記 icon 隊長日記

心靈差左電,腳步放輕埋

Amanda

佢帶我地係城市裡面;用身體五個感官去覺察呼吸同空氣。由海防道出發步行時我地首先感到人群腳步嘅急速,空氣裡面夾著氣油味;剌耳嘅車聲;飄散著嘅係懸浮粒子。

 

大概步行左一個地鐵站嘅距離,慢慢進左去由好多古樹包圍嘅九龍公園,只不過係幾十步嘅距離,似乎已經係兩個世界。森林浴嘅原理係從擠壓嘅生活環境,放入係舒適嘅叢林,讓森林幫我地療癒。

 

我地放慢腳步合上嘴巴shut down 埋個手機;將感官打開。係公園水池嘅一旁我地坐底咪埋眼,聽下由近至遠嘅聲音;打開皮膚嘅毛孔感受一下空氣嘅存在,加埋深深咁呼吸,一下一下慢慢吸入清涼嘅空氣,再慢慢打開眼,睇下四周嘅環境,靜靜咁去睇風係點嘅樣,搵返我地同環境應該有嘅關係,最後,去搵一顆大過我地年紀嘅樹同佢交流;去結束呢個用感官步行嘅旅程。

 

心靈差左電,腳步放輕埋,就算係短短嘅時間都係好值得。行完後大家都有一個願望就係將森林放回城市的道路系統。

分享

最近發佈

  • diary img
    步行。上學4

    返學依然如常平静,而放學幫忙做壁報,四處走去,回家路上由於巴士已經有好多人,所以選擇走路,夜空冇太多雲,深沉的夜空比人一種好安靜既感覺

  • diary img
    公事沙田行

    因公事入左去沙田,重見到人撞車...

  • diary img
    殺入工廠區

    約左人係西鐵站,所以就係屋企行過去